» Hafa skal það sem betur hljómar «

Stök færsla úr dagbókinni:

Við upphaf sumars

22. apríl 2004 | 0 aths.

Blessunarlega gekk veðurspá mín frá því í gærkvöldi ekki eftir og hér er búið að vera hið besta veður í allan dag. Ég nýtti að sjálfsögðu tækifærið og svaf út og fór svo í hressingargöngu um hádegisbilið.

Ég þvældist svo heim til Þorfinns og Höllu sem voru á leið í skrúðgöngu með Emblu. Ég ákvað að slást í för og aldrei þessu vant var myndavélin með.

Ég dundaði mér við að "skjóta frá mjöðminni" og því var stór hluti myndanna hálf undarlegur, en nokkrar komu mjög vel út. Embla Þorfinnsdóttir og Andri vinur hennar leika stórt hlutverk í myndum dagsins og hér eru nokkur sýnishorn.

Hundur á leið í skrúðgöngu