Jólahurðin 2005

06. desember 2005 | 4 aths.

Jólaföndurflipp ársins. Hugmyndin kviknaði þegar ég var að reyna að sofna í gær.

Látum myndirnar tala:

Hráefni og verkfæri

• Extra stór rúlla af jólagjafapappír
• Drjúgur slatti af kennaratyggjói
• Dúkahnífur og/eða skæri
• Límband
• Piparkökur
• Tónlist við hæfi (hér varð fyrir valinu playlistinn "Greddurokk of sorts" með Nirvana, Guns 'N' Roses, Metallica og félögum)

Ábendingar

• Venjulegur jólapappír er ca. 70x200 cm. Rúllan sem ég notaði er 100x300 cm.
• Það að hafa kennaratyggjóið í skipulegum röðum er ekki bara fyrir reglufíkla, það er miklu auðveldara að finna það utanfrá ef maður veit hvar maður á að leita.
• Ekki spara kennaratyggjóið.
• Það borgar sig ekki að festa pappírinn nema til bráðabirgða fyrr en maður er búinn að skera gatið fyrir hurðarhúninn, eftir það er hægt að strekkja pappírinn miðað við húninn.
• Það er upplagt að styrkja hornin með teipi, það sést ekki að utan.
• Stirðbusar sem ekki hafa hreyft sig lengi gætu lent í því að togna aftan í læri með dularfullum hætti...

Nokkrir nágrannar áttu leið framhjá þegar ég var að brasa við þetta og fengu vart mælt fyrir hrifningu. Ég hef tekið ótvírætt forskot í jólaskreytingageðveiki hæðarinnar.

En nú er kannski kominn tími til að kíkja aðeins á lærdóminn...