júní 2007 - færslur


Sitthvað úr tenglasarpnum

Ég sendi sjálfum mér reglulega tölvupósta með tenglum á áhugavert efni sem ég rekst á á vefnum. Það eru klárlega til heppilegri minnisbækur heldur en pósthólfið mitt, en þetta fyrirkomulag hefur virkað ágætlega til þessa. Hér er örlítill nasaþefur af dóti sem ég hef móttekið frá sjálfum mér nýlega.

Forvitnileg útgáfa salatbars

Tíu-ellefu á Barónsstígnum er komið með forvitnilega nýjung og það verður fróðlegt að sjá hvort hún kemur til með að skila árangri í samkeppni matvöruverslananna; salatlaus salatbar.

Fæðingarhálfvitar með spoilerkit

Frétt mbl.is frá í morgun um bílahópinn sem ók fram úr sjúkrabíl í forgangsakstri (sem endaði í útafkeyrslu) vakti athygli mína (sem og fleiri). Ég fullyrði að þarna hafi verið á ferðinni hópur fæðingarhálfvita með spoilerkit.

Svindlið um hnatthlýnunarsvindlið

Í kvöld sýnir Sjónvarpið heimildarmyndina "The Great Global Warming Swindle", sem er vissulega fróðleg og vekur spurningar en hefur hins vegar verið gagnrýnd harðlega fyrir ófagleg vinnubrögð og blekkingar.

Er ég Wii?

Ég verð að viðurkenna að ég hef ekki enn prófað Wii leikjavélina, en miðað við allt jákvæða umtalið sem hún er að fá á vefnum - sér í lagi í geiranum sem fæst við hönnun og notagildi er mig farið að langa soldið í svoleiðis grip.

Ártalið lesið þrisvar

Þegar ég rakst á eftirfarandi klausu þurfti ég að lesa ártalið þrisvar áður en ég trúði því að þetta gæti verið rétt. Það fer um mann hrollur að svona lagað skuli enn vera við lýði.