Ljóð og annar barningur
Próflimrur úr Kvennó
Heilræðavísa
Mæting er aðeins til miska
málið er frekar að giska.
Þambandi kók,
þarf enga bók;
úr miði þeim vit mitt og viska.
Landafræðipróf
Um sporbauga, sólfirrð og fleira
svara var krafist, en meira
af handanna hófi
ég hripað´ í prófi
hjá hálfguðnum hvassmælta; Geira.
Sjálfsbjargarviðleitni
"Frá falli mér guðirnir forði!"
á föstudag varð mér að orði.
Prófin skal þreyja,
ráðlaus ei deyja;
ég skilað´ í þýskunni borði!
Þessar tilraunir til limrugerðar eru afurðir prófsetu í Kvennó. Ef einhverjir kvennaskólanemendur þvælast hingað inn kannast þeir kannski við landafræðikennarann hvassmælta Geir.
Í síðustu limrunni er vísað til þess þegar mistök urðu í pöntun á ljósritun fyrir þýskupróf og heill bekkur sat uppi próflaus þegar setan átti að byrja. Sú hugmynd kom upp hvort nemendur ættu ekki bara að krota svörin á borðin.
Text categories:
Samband / Contact:
(+354) 895 7561
MSN and Skype info on request
