thorarinn.com

Er mbl.is að verða að mblogg.is?

14. maí 2004 | 0 aths.

Þótt það sé ekki í samræmi við óopinbera ritstjórnarstefnu þessarar dagbókar að kommenta á blogg annarra (það er svo blogglegt eitthvað). Þá get ég ekki á mér setið að vísa á nýlega "frétt" á mbl.is.

Þar er haft eftir samtal tveggja andans manna á FM 957 (nákvæmlega!). Þetta eru ekki yfirveguðustu eða pólitískt rétthuxuðustu komment sem menn hafa látið frá sér fara og skiljanlegt að einhver skuli hneykslast á þeim. Hins vegar spyr ég, hvar er fréttin? Þetta er bara endursögn á samtalinu eins og maður gæti átt von á að sjá á prívatbloggum, en þar fylgir þó yfirleitt einhver athugasemd umsjónarmanns. Er blaðamaður hneykslaður á ummælunum? eða þykja þau fyndin? eða var einhver svefngalsi í einhverjum á fréttavaktinni? eða hvað?

Er mbl.is að breytast í mblogg.is?

Títtnefnd "frétt".