thorarinn.com

Nýjar myndir af Vilborgu

16. maí 2004 | 0 aths.

Nú er ég loks búinn að gera löngu tímabæra breytingu á myndasafni Vilborgar frænku og setja inn slatta af nýjum myndum. Það er líka viðeigandi þessa helgi þegar prinsessan er nýorðin hálfs árs.

Áður voru þetta "statískar" skrár sem ég afritaði og breytti í hvert sinn sem nýr myndaskammtur kom á vefinn. Núna er þetta bara eitt skjal og ég set bara inn dagsetningu, kynningartexta og númer myndanna.

Í leiðinni snurfusaði ég svolítið uppsetninguna (og stóðst ekki mátið að gera hana örlítið bleikari).

Stærsta breytingin er þó líklega sú að nú notast ég ekki lengur við flokkinn /litla/ sem búinn var til í snarhasti þegar daman fæddist, nú dugir ekkert minna en /vilborg/. Allar gömlu slóðirnar eiga þó að virka áfram og framsendast á nýjar og réttari slóðir.

Endilega látið mig vita ef þið sjáið eitthvað athugavert.