október 2004 - færslur
01. október 2004 | 0 aths.
Það er mun algengara í verslunum hér heldur en heima að vörur séu merktar umhverfisvænar með opinberum ríkisstimpli, eins konar stílíseruðu Ø í dönsku fánalitunum. Reyndar stendur núna yfir kynningarherferð þar sem verið er að kynna nýtt evrópskt merki sem kemur í stað þess danska. "Fordi de andre ikke kan sige Ø". Meðal þess sem sýnt er í þeirri kynningarherferð eru evrópskir bændur að reyna að segja "Økologisk rødrød med fløde."
04. október 2004 | 0 aths.
Klisjan um Íslendingana sem lifa á danska velferðarkerfinu er vel þekkt (og reyndar má rökstyðja að ég sé í þeirra hópi, enda óvíða í heiminum hægt að komast í ókeypis mastersnám). Á föstudag varð ég hins vegar svo frægur að komast í kynni við danska velferðarkálfinn og voru þau kynni með miklum ágætum.
04. október 2004 | 0 aths.
Eins og með margt annað nota Danir orð yfir drykkjarvörur sem vér Íslendingar könnumst vel við, en reynast svo merkja eitthvað allt annað þegar á hólminn er komið.
04. október 2004 | 0 aths.
Á laugardags-"morgun" vaknaði ég laus við þynnku, en ekki laust við að óbeinar reykingar og langvökur sætu aðeins í mér. Eftir morgun/hádegisverð og smá dagblaðalestur stóð ég sjálfan mig að því að vera að horfa á norskan menningarumræðuþátt með sænskum texta! Að vísu var viðmælandi þáttarstjórnandans áhugaverður og skemmtilegur - en ég ákvað að nú væri nóg komið og að bregða frekar undir mig hjólhesti og fara út í sólina.
04. október 2004 | 0 aths.
Ég hef um helgina fengið nokkra tölvupósta með hamingjuóskum vegna frumsýningarinnar á "Á uppleið". Reyndar hafa tölvupóstarnir eingöngu verið frá innvígðum Hugleikurum (sem eru langt frá því hlutlausir). Því er hér með lýst eftir viðbrögðum fleiri lesenda sem skelltu sér í Kaffileikhúsið um helgina.
05. október 2004 | 0 aths.
Ég er að spökulera í að útbúa mér einföld nafnspjöld til að slá um mig með (og einfalda ferlið þegar afgreiðslufólk þarf að taka niður nafnið mitt).
08. október 2004 | 0 aths.
Á þriðjudaginn mætti ég í formlega dótturkynningu Hönnu Birnu. Hún hafði boðið íslenskum vinkonum sínum í Köben og þótti upplagt að ég mætti líka (svona til að rjúfa félagslega einangrun mína). Það kom henni töluvert á óvart þegar hún reyndi að kynna mig fyrir viðstöddum að ég hafði hitt alla áður.
08. október 2004 | 0 aths.
Á miðvikudag varð ég svo frægur að halda mitt fyrsta upplegg (oplæg) í skólanum og það á dönsku! Þessi merki atburður varð í áfanganum Interaktionsdesign þar sem ég sagði frá grein um ákveðna aðferðafræði í hönnun sem er ætlað að hjálpa hönnuðunum að brjótast út úr hefðbundnum hugmyndum og opna fyrir fagurfræðilegri nálgun.
08. október 2004 | 0 aths.
Blessunarlega er ég ekki í sömu sporum og Nína Björk sem í dagbókinni sinni segist alvarlega hafa hugleitt að flytja úr kommúnunni sinni í Bradford vegna óþrifnaðar. Hins vegar verður að viðurkennast að Andreas er ekki mesti snyrtipinni í heimi og jafnvel forhertan piparsvein eins og mig klæjar í fingurna að skrúbba aðeins verstu blettina.
09. október 2004 | 0 aths.
Andreas hefur hvatt mig til að ganga í DVD safnið hans að vild. Ég lét greipar sópa á fimmtudagskvöldið og greip mynd sem ég hafði aldrei heyrt um áður, Forgotten Silver, eftir Peter Jackson og Costa Bodes. Snilldar mynd!
10. október 2004 | 0 aths.
Í gær var tilkynnt um hvaða einþáttungar verða sýndir í Borgarleikhúsinu 23. október næstkomandi. Alls verða sýndir 11 þættir og verður "Á uppleið" einn þeirra! Eins og ég var búinn að lofa sjálfum mér er stefnan nú sett á að skjótast heim í helgarfrí og sjá sýninguna í Borgarleikhúsinu!
11. október 2004 | 0 aths.
Eftir töluvert bras er ég búinn að panta flugfar heim til Íslands fimmtudaginn 21. okt og út aftur mánudaginn 25. Ég veit ekki hvort það er bara klaufaskapur í mér eða hvort bókunarvélin hjá IcelandExpress gerir í því að klúðra dagsetningum ef maður flakkar fram og til baka í stað þess að fara bara línulega í gegnum bókunina?
11. október 2004 | 0 aths.
Á föstudag var menningarnótt hér í Köben. Þótt skömm sé frá að segja fór hún að mestu fram hjá mér þrátt fyrir göfug áform um að kynna mér það sem væri á boðstólum. Þrátt fyrir að vera hluthafi í helgaráskrift að Politiken sé ég ekki mikið af dagblöðum á virkum dögum og var satt best að segja búinn að steingleyma því að það væri menningarnótt. Það var ekki fyrr en nokkuð var liðið á Fredagsbar að hún barst í tal - en þá var heldur seint í botn gripið. Þó fékk ég smá nasaþef af nóttinni í íslenskum félagsskap.
13. október 2004 | 0 aths.
Eins og ég hef áður sagt frá virðist sem það sé vespu eða geitungabú utan á húsinu þar sem ég bý einhversstaðar fyrir ofan gluggann minn. Ég hafði af þessu áhyggjur fyrst í stað, en í ljósi þess að eldhúsglugginn (sem er við hliðina á mínum) er næstum alltaf opinn og að vespurnar/geitungarnir sækja ekki þangað inn hef ég verið óhræddur við að opna gluggann minn.
13. október 2004 | 0 aths.
Þetta er dagbókarfærsla nr. 210 skv. gagnagrunninum mínum. Sú tvöhundruðasta fór framhjá mér, en ég slæ mér á brjóst hér í staðinn.
15. október 2004 | 0 aths.
Í gær (fimmtudag) settist ég með mína Surtlu inn á stúdíubás með fögur fyrirheit um að skrifa scenario fyrir ógurlega merkilegt hádegisstefnumótakerfi sem við erum að hanna. Þess í stað sannaðist enn að athyglissýki minni og skrifræpu eru engin takmörk sett. Skrifaði 1500 orða pistil á ensku um upplifanir mínar í ITU og Danmörku - ætlað í skóla(vef)blaðið.
15. október 2004 | 0 aths.
Á miðvikudag gerðist fátt í geispustríði okkar Andreasar. Við héldum okkur að mestu frá eldhúsinu og aðeins varð vart við eina geispu um kvöldmatarleytið. Við beðmál virtist hún hafa látið lífið af náttúrulegum orsökum. Í gær fimmtudag færðist hins vegar aukinn þungi í innrásina og samkvæmt skýrslu heimavarnarfulltrúa létu um 10 geispur lífið.
15. október 2004 | 0 aths.
Nú er útlit fyrir að sumri sé að ljúka hér í veldi bauna. Heldur var hann napur þegar hjólað var heim í gærkvöldi og sölnuð laufblöð eru farin að safnast saman á götuhornum og kantsteinum til þögulla mótmæla vegna breyttra veðurfarsaðstæðna.
17. október 2004 | 0 aths.
Ég er aðeins huxi yfir því hvort það sé eitthvað sem ég eigi að vera að stæra mig af svona opinberlega, en á föstudaginn var sett nýtt met í viðveru á Fredagsbarnum: 8 klukkustundir. Sporðrennt var 5 stórum bjórum, tveimur snöfsum, kókglasi og einni pissasneið(!). Samtals kostnaður um 1100 íslenskar krónur.
19. október 2004 | 0 aths.
Í gær, mánudag, var eitthvað vesen á netþjónunum sem thorarinn.com er hýstur á. Fyrir vikið var ég sambandslaus við tölvupóstinn minn næstum allan daginn og það hafði lygilega mikil (neikvæð) áhrif á fyrirhugaðan dugnað dagsins.
19. október 2004 | 0 aths.
Í framhaldi af færslunni minni um skrifræpu mína hef ég fengið mjög jákvæðar undirtektir hjá ritstjóra skóla(vef)blaðsins og það sem meira er, íslenskir fjölmiðlar eru farnir að slást um veflega pisla frá Köben.
20. október 2004 | 0 aths.
Íslendingar eru mjög fáséðir hér í skólanum, til dæmis vorum við bara tveir sem byrjuðum núna í haust. Um daginn átti ég hins vegar leið framhjá manni sem var að tala íslensku í farsíma og ákvað að taka hann tali við tækifæri. Mér finnst ómögulegt að vaða á fólk sem ég heyri tala íslensku, bara af því að það sé landar mínir í útlandinu (þetta er nú einu sinni Danmörk) þannig að ég ákvað að sæta seinna færis að spjalla við hann.
20. október 2004 | 0 aths.
Þá fer að bresta á með helgarskreppi mínum, flýg um hádegið á morgun. Mér hefur verið bent á að taka með mér hlý föt enda sé skítakuldi heima á klakanum.
27. október 2004 | 0 aths.
Ég gerði góða ferð til Íslands. Náði að gera flestallt það sem að var stefnt - nema kannski að borða fisk. Hápúnktur ferðarinnar var auðvitað Margt smátt í Borgarleikhúsinu þar sem Á uppleið hlaut einróma lof gagnrýnenda (og það er engin lýgi).
28. október 2004 | 0 aths.
Á þriðjudeginum munaði minnstu að ég svæfi hressilega yfir mig. Farsíminn sem átti að vekja mig var enn á íslenskum tíma og það var fyrir algera tilviljun að ég rumskaði og leit á klukku um það leyti sem ég ætlaði mér að vakna. Varð svo mikið um að ég lá flatur í hálftíma og mætti fyrir vikið aðeins of seint í skólann.
31. október 2004 | 0 aths.
Ég tók eftir þessu stórkostlega nafni á lítilli spilakassabúllu hér á Amager um daginn. Ekta danskur húmor.
31. október 2004 | 0 aths.
Á fredagsbarnum síðastliðinn föstudag komst ég að því að Rasmus, sem ég kynntist aðeins fyrsta daginn í skólanum þegar við tveir vorum látnir kynna hvorn annan fyrir hópnum, er nágranni minn. Eftir barinn vorum við því samferða heim á leið, keyptum okkur kvöldsnarl og snæddum heima hjá honum.
31. október 2004 | 0 aths.
Ég álpaðist til að kaupa mér tölvuleik um daginn. Þetta er leikur sem oft hefur borið á góma í tölvuleikjateoríu og nokkrir af samnemendum mínum eru villt begejstraðir yfir, Heroes of Might and Magic III. Ég ákvað að skella mér á hann þar sem ég hef heyrt látið vel af honum, hann er af leikjatýpu sem ég hef ekki prófað (umferðabyggð strategía) (turn based strategy) og síðast en ekki síst er hann hræbillegur, enda orðinn hundgamall á tölvuleikjamælikvarða.