thorarinn.com

Að elta sinn rass

22. maí 2005 | 1 aths.

Á leið í fótboltann í gær lagði ég grunn að kenningu um hvernig á að hjóla í Köben. Aðferðin byggir ekki á hinum klassísku ábendingum (passa sig á bílunum, gefa merki áður en maður beygir...) heldur því að finna álitlegan rass í low-cut gallabuxum sem virðist á réttri leið og elta hann í blindni. Ekki svo að skilja að blindni sé neitt skilyrði, þvert á móti væri líklega erfitt að njóta viðkomandi rasss (eignarfall - sko) ef maður væri blindur.

Þessi aðferð skilaði mér með eindæmum vel í Fælledparken. Að vísu villtist ég örlítið á leiðinni og var allt í einu kominn inn á eina af hliðargötum Striksins, en það var áður en ég hjólaði aftur undir rassinn góða.

Það er líka góðs viti ef maður stendur japanska túrista að því að kommenta á rassinn meðan beðið er á gatnamótum eftir grænu ljósi.

Mér sýnist ljóst að ég þarf að gera meira af því að fara í hjólreiðatúra og njóta útsýnisins.