thorarinn.com

Mættur á Fálkagötuna

04. júlí 2005 | 2 aths.

Eftir annasaman endasprett í veldi bauna þar sem gekk á ýmsu og margt fór öðru vísi en til stóð, er ég nú kominn heim á klaka og hef tekið upp búsetu á Fálkagötunni. Allt fór baunastússið vel að lokum og röðin á Kastrup reyndist þrátt fyrir allt ekki lengri en svo að ég hafði það af að komast í vélina. Heima í Keflavík tóku foreldrarnir óvænt á móti mér og á laugardagskvöldinu fórum við familían út að borða að fagna mastersgráðu Sigmars.

Eftir matinn fórum við systkinin (þ.e. við barnlausu) út á lífið og ég rifjaði upp hvað íslenskur bjór er ógisslega dýr. Fyrr um daginn hafði ég fengið fyrsta verðkúltúrsjokkið við að sjá þriggja stafa verðtölur í bakaríinu...

Á morgun er svo fyrsti dagurinn í sumarvinnunni, við vefsmíði hjá Stika.

Ég stefni enn að því að færa til bókar atburði nýliðinnar viku í Köben, en nú er ég aðeins of sybbinn til að nenna því.

Lesendur hafa því eitthvað til að hlakka til...